اَلَمْ نُهْلِكِ الْاَوَّلِيْنَۗ
تفسیر کمالین شرح اردو تفسیر جلالین:
کیا ہم نے اگلوں کو ہلاک نہیں کیا؟
English Sahih:
Did We not destroy the former peoples?
ابوالاعلی مودودی Abul A'ala Maududi
کیا ہم نے اگلوں کو ہلاک نہیں کیا؟
احمد رضا خان Ahmed Raza Khan
کیا ہم نے اگلوں کو ہلاک نہ فرمایا
احمد علی Ahmed Ali
کیا ہم نے پہلوں کو ہلاک نہیں کر ڈالا
أحسن البيان Ahsanul Bayan
کیا ہم نے اگلوں کو ہلاک نہیں کیا؟
جالندہری Fateh Muhammad Jalandhry
کیا ہم نے پہلے لوگوں کو ہلاک نہیں کر ڈالا
محمد جوناگڑھی Muhammad Junagarhi
کیا ہم نے اگلوں کو ہلاک نہیں کیا؟
محمد حسین نجفی Muhammad Hussain Najafi
کیا ہم نے پہلے والوں کو ہلاک نہیں کیا۔
علامہ جوادی Syed Zeeshan Haitemer Jawadi
کیا ہم نے ان کے پہلے والوں کو ہلاک نہیں کردیا ہے
طاہر القادری Tahir ul Qadri
کیا ہم نے اگلے (جھٹلانے والے) لوگوں کو ہلاک نہیں کر ڈالا تھا،
تفسير ابن كثير Ibn Kathir
حسرت و افسوس کا وقت آنے سے پہلے
اللہ تعالیٰ فرماتا ہے کہ تم سے پہلے بھی جن لوگوں نے میرے رسولوں کی رسالت کو جھٹلایا میں نے انہیں نیست و نابود کردیا پھر ان کے بعد اور لوگ آئے انہوں نے بھی ایسا ہی کیا اور ہم نے بھی انہیں اسی طرح غارت کردیا ہم مجرموں کی غفلت کا یہی بدلہ دیتے چلے آئے ہیں، اس دن ان جھٹلانے والوں کی درگت ہوگی، پھر اپنی مخلوق کو اپنا احسان یاد دلاتا ہے اور منکرین قیامت کے سامنے دلیل پیش کرتا ہے کہ ہم نے اسے حقیر اور ذلیل قطرے سے پیدا کیا جو خالق کائنات کی قدرت کے سامنے ناچیز محض تھا، جیسے سورة یس کی تفسیر میں گذر چکا کہ اے ابن آدم بھلا تو مجھے کیا عاجز کرسکے گا میں نے تو تجھے اسی جیسی چیز سے پیدا کیا ہے، پھر اس قطرے کو ہم نے رحم میں جمع کیا جو اس پانی کے جمع ہونے کی جگہ ہے اسے بڑھاتا ہے اور محفوظ رکھتا ہے، مدت مقررہ تک وہ وہیں رہا یعنی چھ مہینے یا نو مہینے، ہمارے اس اندازے کو دیکھو کہ کس قدر صحیح اور بہترین ہے، پھر بھی اگر تم اس آنے والے دن کو نہ مانو گے تو یقین جانو کہ تمہیں قیامت کے دن بڑی حسرت اور سخت افسوس ہوگا۔ پھر فرمایا کیا ہم نے زمین کو یہ خدمت سپرد نہیں کی ؟ کہ وہ تمہیں زندگی میں بھی اپنی پیٹھ پر چلاتی رہے اور موت کے بعد بھی تمہیں اپنے پیٹ میں چھپا رکھے، پھر زمین کے نہ ہلنے جلنے کے لئے ہم نے مضبوط وزنی بلند پہاڑ اس میں گاڑ دیئے اور بادلوں سے برستا ہوا اور چشموں سے رستا ہوا ہلکا زور ہضم خوش گوار پانی ہم نے تمہیں پلایا، ان نعمتوں کے باوجود بھی اگر تم میری باتوں کو جھٹلاتے ہی رہے تو یاد رکھو وہ وقت آ رہا ہے جب حسرت و افسوس کرو گے اور کچھ کام نہ آئے۔