كَذَّبَتْ ثَمُوْدُ الْمُرْسَلِيْنَ ۖ
تفسیر کمالین شرح اردو تفسیر جلالین:
ثمود نے رسولوں کو جھٹلایا
English Sahih:
Thamud denied the messengers.
ابوالاعلی مودودی Abul A'ala Maududi
ثمود نے رسولوں کو جھٹلایا
احمد رضا خان Ahmed Raza Khan
ثمود نے رسولوں کو جھٹلایا،
احمد علی Ahmed Ali
قوم ثمود نے پیغمبروں کو جھٹلایا
أحسن البيان Ahsanul Bayan
ثمودیوں (١) نے بھی پیغمبروں کو جھٹلایا۔
١٤١۔ ١ ثمود کا مسکن حضر تھا جو حجاز کے شمال میں ہے، آجکل اسے مدائن صالح کہتے ہیں۔ (ایسر التفاسیر) یہ عرب تھے۔ نبی صلی اللہ علیہ وسلم تبوک جاتے ہوئے ان بستیوں سے گزر کر گئے تھے، جیسا کہ پہلے گزر چکا ہے۔
جالندہری Fateh Muhammad Jalandhry
(اور) قوم ثمود نے بھی پیغمبروں کو جھٹلا دیا
محمد جوناگڑھی Muhammad Junagarhi
ﺛمودیوں نے بھی پیغمبروں کو جھٹلایا
محمد حسین نجفی Muhammad Hussain Najafi
قومِ ثمود نے رسولوں کو جھٹلایا۔
علامہ جوادی Syed Zeeshan Haitemer Jawadi
او قوم ثمود نے بھی مرسلین کی تکذیب کی
طاہر القادری Tahir ul Qadri
(قومِ) ثمود نے (بھی) پیغمبروں کو جھٹلایا،
تفسير ابن كثير Ibn Kathir
صالح (علیہ السلام) اور قوم ثمود
اللہ تعالیٰ کے بندے اور رسول حضرت صالح (علیہ السلام) کا واقعہ بیان ہو رہا کہ آپ اپنی قوم ثمود کی طرف رسول بنا کر بھیجے گئے تھے یہ لوگ عرب حجر نامی شہر میں رہتے تھے جو وادی القری اور ملک شام کے درمیان ہے۔ یہ عادیوں کے بعد اور ابراہمیوں سے پہلے تھے شام کی طرف جاتے ہوئے آپ کا اس جگہ سے گزرنے کا بیان سورة اعراف کی تفسیر میں پہلے گزرچکا ہے۔ انہیں ان کے نبی نے اللہ کی طرف بلایا کہ یہ اللہ کی توحید کو مانیں اور حضرت صالح (علیہ السلام) کی رسالت کا اقرار کریں لیکن انہوں نے بھی انکار کردیا اور اپنے کفر پر جمے رہے اللہ کے پیغمبر کو جھوٹا کہا۔ باوجود اللہ سے ڈرتے رہنے کی نصیحت سننے کی پرہیزگاری اختیار نہ کی۔ باوجود رسول امین کی موجودگی کے راہ ہدایت اختیار نہ کی۔ حالانکہ نبی کا صاف اعلان تھا کہ میں اپنا کوئی بوجھ تم پر ڈال نہیں رہا میں تو رسالت کی تبلیغ کے اجرا کا صرف اللہ تعالیٰ سے خواہاں ہوں۔ اس کے بعد اللہ کی نعمتیں انہیں یاد دلائیں۔