انہوں نے جواب دیا "کچھ بت ہیں جن کی ہم پوجا کرتے ہیں اور انہی کی سیوا میں ہم لگے رہتے ہیں"

اس نے پوچھا "کیا یہ تمہاری سنتے ہیں جب تم انہیں پکارتے ہو؟

یا یہ تمہیں کچھ نفع یا نقصان پہنچاتے ہیں؟"

انہوں نے جواب دیا "نہیں، بلکہ ہم نے اپنے باپ دادا کو ایسا ہی کرتے پایا ہے"

اس پر ابراہیمؑ نے کہا "کبھی تم نے (آنکھیں کھول کر) اُن چیزوں کو دیکھا بھی جن کی بندگی تم

اور تمہارے پچھلے باپ دادا بجا لاتے رہے؟

میرے تو یہ سب دشمن ہیں، بجز ایک رب العالمین کے

جس نے مجھے پیدا کیا، پھر وہی میری رہنمائی فرماتا ہے

جو مجھے کھلاتا اور پلاتا ہے

اور جب میں بیمار ہو جاتا ہوں تو وہی مجھے شفا دیتا ہے