وہ اس پر ایمان نہیں لاتے جب تک عذاب الیم نہ دیکھ لیں

پھر جب وہ بے خبری میں ان پر آ پڑتا ہے

اُس وقت وہ کہتے ہیں "کہ “کیا اب ہمیں کچھ مُہلت مِل سکتی ہے؟"

تو کیا یہ لوگ ہمارے عذاب کے لیے جلدی مچا رہے ہیں؟

تم نے کچھ غور کیا، اگر ہم انہیں برسوں تک عیش کرنے کی مُہلت بھی دے دیں

اور پھر وہی چیز ان پر آ جائے جس سے انہیں ڈرایا جا رہا ہے

تو وہ سامانِ زیست جو ان کو ملا ہوا ہے اِن کے کس کام آئے گا؟

(دیکھو) ہم نے کبھی کسی بستی کو اِس کے بغیر ہلاک نہیں کیا کہ اُس کے لیے خبردار کرنے والے حق نصیحت ادا کرنے کو موجود تھے

اور ہم ظالم نہ تھے

اِس (کتاب مبین) کو شیاطین لے کر نہیں اترے ہیں