(நமது நபி) கடுகடுத்தார்; புறக்கணித்தார். (எதற்காக?)

தன்னிடம் ஓர் பார்வையற்றவர் வந்ததற்காக.

(நபியே! உங்களிடம் வந்த) அவர் பரிசுத்தவானாக இருக்கலாம் என்பதை நீங்கள் அறிவீர்களா?

அல்லது (உங்களுடைய) நல்லுபதேசம் அவருக்குப் பயனளிக்கலாம் (என்பதை நீங்கள் அறிவீர்களா? அவ்வாறிருக்க, அவரை நீங்கள் ஏன் கடுகடுத்துப் புறக்கணித்தீர்கள்?)

(நபியே! மார்க்கத்தை) எவன் அலட்சியம் செய்கின்றானோ,

அவனை வரவேற்பதில் நீங்கள் அதிக சிரமத்தை எடுத்துக் கொள்கின்றீர்கள்.

அவன் பரிசுத்தவானாக ஆகாவிட்டால் அதைப் பற்றி உங்கள் மீது யாதொரு குற்றமும் இல்லை(யே)!

எவர் (தானாகவே) உங்களிடம் ஓடி வருகின்றாரோ,

அவர்தான் (அல்லாஹ்வுக்குப்) பயப்படுகின்றவர்.

எனினும், நீங்கள் அவரை அலட்சியம் செய்துவிடுகின்றீர்கள்.